La piova
Anna Maria De Michiel (poesia)
É nuote
nte l scuro nefando se ferma i rumor
e pò, pian pianeto
me par de sentì
la piova de giugno
che me fà morì
La bate sul viero
e par che la die "Son ruada, son ca
e anche sta ota
voi feite scoltà
le note pì vece del mondo,
la musica arcana de l umanità"
La piova continua a tomà
sul viero de canbra
la siento sonà
la bate pianeto,
con note lediere,
pianeto, pianeto,
finche taca a s-ciarì
e pò,
poco a l ota
col ciaro del dì
le note sparisse
in medo ai rumori
no se scolta pì.
(Lorenzago)
Pubblicato il: Mercoledì, 27 Novembre 2019