Lersc su na crësta
Antonietta Crepaz (poesia)
Come possio volei ben
a sta jent
che à incuiné
n fro massa,
sciaudé aria e tiera
scladamé
rus e mer?
Come possio prové amour
per l gran torbol de vent
che m à strabacé
sburié, scorzé
e rebalté duc i pëc??
Come possio volei ben
a sta mont
che contrida
la se leca le plaie
e la bregla n scondon?
Son lersc su na crësta
resté n pe
per miracol,
l cuor de len ros,
l sanch de argé,
se a le reisc ie ncrësc
davò rosada plu nëta,
i pitoi sui ram
nascius proprio ncuoi
i ciala dalonc
contenc de n doman.
(Fodom, 1° premio Poesia)
Pubblicato il: Mercoledì, 27 Novembre 2019