Italiano
L Istituto Ladin de la Dolomites, nome ladin par al talian “Istituto Culturale delle Comunità dei Ladini Storici delle Dolomiti Bellunesi”, l é l istituto de cultura ladina par la provinzia de Belun, betù in pè dos la leie del Stato che defende la minoranzes linguistiches storiches (Leie n. 482 del 15.12.1999), par mantienì vives la usanzes linguistiches e de la cultura de la popolaziones ladines de chesta valades. De ìze les é rapresentades la comunitas ladines de 34 Comunes de la valades de Agordo, del Cadore, del Comelego e de Zoldo.
Presentazion
Ize i anes, l Istituto l à laurà ize n grun de cianpe cume la publicazion de na rivista sientifico-cultural, de libre e material audiovideo; l à fato trasmissiones radiotelevisives; l à betù a dì an concorso musical; l à betù in pè, adià da la universitas e da outre ente, corse de formazion par ci che laora ize i ente publiche; l à adià i ente publiche e i private can che i à da dorà la lenga ladina; l à dà personal parecià ben polito ai ente del luó par verde sportiei linguistiche.
L Istituto, ize i sò ufizie, l à na biblioteca intitolada al dialetologo professor Enzo Croatto, che la é de outo livel par chel che à da ce fài co la lenga, la cultura, al folklor, la storia e giografia dei paes ladine, verta a la dente e colegada al Servizio provinzial par dì d inpresto dei libre; in pi, in colaborazion cun la Provinzia, l tende al sò sito web, chel agnó che vosoutre ve ciatà ades.
Pubblicato il: Giovedì, 13 Giugno 2019 - Ultima modifica: Giovedì, 09 Gennaio 2020
