Istituto Ladin de la Dolomites

La Magnifica Comunità del Cadore l é l istituzion storica che la lea duto l Cadore, dal Comelego fin ia in Selva. Al Cadore n ota al fasea parte de la Carnia: par chesta reson l Arcidiaconato cadorin, che incuoi l é sote Belun, l é stà par secui sote l Patriarcato furlan de Acuileia.

Se se và dos a la classificazion linguistica fata dal linguista Ascoli a la fin del Otozento, al Cadore al ciapa ize zones* ladines e zones de passaio intrà l ladin e l veneto. Coi studie fate ize l secolo dapò, al cadorin l é stà considerà cume ladin s-ceto, de na famea de parlades desleada da cheles del Tirolo. Inveze la parlades de Selva e Pescul ades les ien considerades ladines-atesines e chela de Zopié, cume ai tenpe del Ascoli, ladina-veneta.

L Agordin (fin a Aleghe) e Zoldo, in chela ota Pievi e Capitanati, les era comunitas de paes sote al vescovo de Belun-Feltre, e les era leades a la Magnifica Comunità de Zividal de Belun.

La parlades de cheste luoghe les é senpre stades considerades cume de passaio intrà ladin e veneto, anche se la paroles pi veces les se ciata ize la parlades de Zoldo e del Agordin da Zenzenighe in su. La parlada de Aleghe la puó esse considerada cume cheles de La Rocia, Col e Selva, val a dì ladina-atesina.