No te aas avù
Massimo Mosena "Noni" (poesia)
No te aas avù chela bela tosa
bionda, auta, coi oci turchin,
che la fea girà la testa a duti.
Un al te l à portada de maal.
Al no n era meio de ti,
ma l era boon da contà bausie.
No te aas avù al laoro che te t insognae,
de prestigio, de responsabilità,
che al te avarae faat vadagnà an grum.
An autre al lo à avù al posto tuo.
Al no n era meio de ti,
ma l avea le cognossenze giuste.
No te aas avù chela machina,
bela, potente e de valoor.
Ma la costava an mucio de schei.
Al se l à tota chel,
che te à portà de maal la tosa,
dai bìei oci turchin.
No t ees diventà an canpioon inte l sport,
no te aas scrit an libre de sucesso,
no t ees diventà famoos.
Scolteme, amigo.
La é đuda been così.
Ma al parchè
te dovaraas al catà ti sool.
(Zoldo)
Pubblicato il: Mercoledì, 27 Novembre 2019
